UnTuK KeKaSiHkU-AbAnG kOb

#ok dulu surat mc na ni dah ade dlm blog aku,tapa kali ni aku copy balik semua n letak dalam blog niii...bkn copy sgt,tp aku memang simpan benda ni dlm blog ni..juz nak post balik jew...k
jommm kite enjoyy dengan citeew mc na nii

assalamualaikum,
kehadape abe kob ye di sayengi,
apo kaba abe kob ssano,na haghak abe kob sihak sokmo bersamo tok cik nge tok nik abe kob. tujue na bui sughak ni ko abe kob buke ggapo. lamo bena doh ghasonyo tok denga kaba abe kob. make paka stagho mano? duduk bangung sapo jago. na bimbe jugok doh bbunying baghu ni abe kob keno tepuh ko kkheto ggalo dale ghelung tbaka. knalin na mulo-mulo denga bghito. nok gi kea mugo jauh. pah tue kenaike kok alik ni pun payoh nok bbulih. dgheba kketo plik pakak wak mogok bkali skak miyok disey,RON 95 nge RON 97 naik saghi duo nih. Nnengung jugok Na mmikir. hola stakak bbalah bbalah meseh gitgu jalah ccaghok. pahtu sentak sapa ko arini takdok bghito lasung nah.
Abe Kob jolo ko ni nok ggewe lagi nge Na ? Abe Kob ni supo main-main jah. doh mugo aritu Na ajok jjupo KB Mall Abe Kob tok gi. pah ccegroh Na tunggu. sohko bate idung,baye-baye Abe kob pong Na tok napok. kalu idung tu macung tu bla la jugok. ni idung kepek po keno jighik ko keto ggiling.hehehe..jange la mughih deh. Na ggugha jah tuh. Na tau Abe Kob takot kalu kito dok bgheke po blakah. takpo la mugo aritu Na bowok Mek La gi skali. Mek La hok dok ttepi ghumoh Na tulah. hok depe ghumoh dio ado pokok pauh epo. Na pon tau hukung hake. kalo berduo-duoe gak ado hok nombor tigo yakni sete. cikgu pon dok pese sokmo doh maso ngaji skoloh. hare pege-pege tange ttino jate hok buke muhrim. tok ayoh pon dok ghoyak smace.
Abe Kob ingat dok dulu maso kito skelah jah ne ? Na kea duk blake Abe Kob. kalo Abe Kob tok siak khijo hok cikgu bui, Na ghelo bui buku sughuh Abe Kob tighu. Buke ggapo. Na ssie tgok Abe kob keno pia'k ccikgu haghi-hagri. Nok kato Abe Kob bodo kea lamo takot ssegho hati. pah ado ttiko-ttiko kalu Abe Kob nok pinje ghoba ko kale ko, Na ghelo bui pinje. Tapi sokmo Abe Kob wt pghile. takpolah, demi kasih saye ko Abe Kob, Na tok ccagho pung. ado skali tuh Abe Kob ghedah skey hok dok ttange Na, habih te Abe Kob senjoh sapa putuh gheta. padaha baghu jah Na bli koperasi 20 sen so. pahtu kito pung ppakak suko. Abe Kob sapa tguling-guling nah atah lata dale kelah. Memela gigi depe Abe kob takdok scopey tapi Na bgehi bena kelih Abe Kob suko. tok tahu jugok bakpo. maso tu lah Na ghaso jatuh ati nge Abe kob.stat pado situlah Na saye ko Abe kob.ibaghak kato sghupo mnate minyok hok penuh litir. ado jugok oghe hok nok tra ngejah Na tapi Na rijek blako. Mmato Na Abe Kob soghe jah. jak pah haritu sapa ko skoloh mnengoh meme Na tok kheling kokgre lain. bia lah oghe ggela Abe Kob pok'ko sklipun, tapi Na tok kelih pado ghupo paghah. Na kelih pado peel pghanga. Hati Na doh di cughi oleh Yaakob bin HJ Stopa.
tapi lolloni Abe Kob mace lain jah Na ghaso. tok sghupo mulo. meseh tok balah.talipong tok akak.sebak tu Na bui sughak ni ko Abe Kob. nok mitok kato putuh. kalu saye wat la caro saye,kalu dok gak biala Na bebah mace bughung-bughung hok tghebe dilangik tinggi. Na tok sey jjadi hidung tok macung tapi pipi pulok ssoghong. takpola stakat ni la dulu Abe Kob deh. tok ayoh dok klo doh tu. sughuh g heghek kuba pakblah eko pade wak masuk dale ggok. takut de gelak kea banyokk sete dok glewa'k taing-taing ghorik.siak-siak mandi kakghe pah nok bbaco buku pulok. tok lamo doh tu nok spm
ikot la Abe Kob nok balah ko tokse sughak Na. Hok peting na nok tau jawape Abe Kob. blah mano cagho nok kehey tu Na paka seghoh ko Abe Kob. nok meseh ko nok talipong ko ikotlah.sekie,wassalam.
sayemu,
Mek Na



p/s::hahaha nama dan watak dalam cerita ni hanyalah rekaan semata-mata...=)

---

gInI La hAbIt AkU..bILe bOrIm,n xDaK KeJa nK Wt aKu iMbAs bAlIk cErItA BeSt Yg pEnAh aKu lAlUi NGaN MeMbER2 N sElAiN Tu AkU cArI MaCaM2 iNfO KaT TeNeT,kAlO AsE BeSt aKu ShArE CnI..pE SaLaHnYe kN KoNgSiKaN KeGeMBiRaAn NgAn KOrAnG sEmUa,bArU La nAmEnYa BeRry sToRy MorRy kAN..mAcAm2 cItE AdE,n Yg pAsTi aKu tAKdAk La mErApU N MeLaLut kT CnI..sO,eNjOy k =),

---